Iskander Goicoechea naiz, ‘3D Animazioak, Jokoak eta Ingurune Elkarreragileak’ zikloko ikaslea eta praktikak egiten ari naiz Ingeteam enpresan (Zamudio).
Ingeteam enpresan praktiketako ikasle gisa izan nuen esperientzian zehar, errealitate areagotuko proiektuetan programatzaile gisa lan egiteko aukera izan nuen, Unity erabiliz eta baita Blenderrekin 3Dko modelaketan murgilduz ere. Pozik nago enpresa honetan izan dudan bizipenarekin, nire garapen profesional eta pertsonalerako aberasgarria izan baita.
Lehenengo egunetik, nire taldekideek besoak zabalik hartu ninduten. Jarri genuen harremana sinestezina izan zen, beste bat bezala tratatu nindutelako eta une oro babesa eta orientazioa eman zidatelako. Adiskidetasun horrek lan-ingurunean eroso eta seguru sentitzeko aukera eman zidan, eta hori funtsezkoa izan zen nire hazkunderako eta ikaskuntzarako.
Ingeteam-en ia urtebetez, errealitate areagotuko hainbat proiektutan parte hartu ahal izan nuen, eta horrek aukera eman zidan nire ezagutzak programazioan aplikatzeko eta abangoardiako teknologiekin esperimentatzeko. Unity-rekin lan egitea bereziki atsegina izan zen, elementu birtualak mundu errealarekin konbinatzen zituzten aplikazio interaktibo eta bisualki zirraragarriak garatu ahal izan bainituen.
Gainera, Blender erabiliz 3D modelatzean murgiltzeko aukera ere izan nuen. Tresna horri esker, errealitate areagotuko proiektuetan hainbat objektu sortu nituen, xehetasun eta errealismo maila gehigarria erantsiz. Esperientzia hartu ahala, erronka gero eta konplexuagoei aurre egin ahal izan nien, eta ikusizko sorkuntzaren esparruan nire trebetasunak zabaldu.
Ingeteamek proiektu interesgarrietan lan egiteko aukera emateaz gain, ikasteko eta hazteko ingurune aproposa ere eman zidan. Esperientzia handiko profesionalekin lankidetza estuan aritzeko aukera izan nuen. Profesional horiek beren esperientzia eta ezagutzak partekatu zituzten nirekin, eta neurri handi batean zabaldu ahal izan nituen programazioari, errealitate areagotuari eta 3Dn modelatutakoari buruzko ezagutzak.
Laburbilduz, Ingeteam-en izan dudan esperientzia oso positiboa izan da. Nire trebetasun teknikoak aplikatzeko aukera emateaz gain, laneko giro abegikor eta kolaboratiboaz ere gozatu ahal izan nuen. Eskerrak ematen dizkiet enpresari, lankideei eta, bereziki, Jorgeri, nire praktiketako tutorea, pazientziagatik, emandako babesagatik eta nire denbora Ingeteam esperientzia aberasgarri eta atsegingarri bihurtzeagatik.
Adrián Martínez naiz, ‘3D Animazioak, Jokoak eta Ingurune Elkarreragileak’-ren zikloko ikaslea eta Dualen praktiketak egiten ari naiz Tecnalia enpresan (Derio). Nire eginkizunak hauek dira: Bezeroek esakatutako edota emandako modeluak texturizatu, polygonoak gehitxi edota modeloa sortu eta Unity barruan sartu, ala ere, Metahumans modeloak be egin ditut, animazioak Metahumans-eri Unreal-en barruan sartu dut, horretarako, IK retarget egin Mixamo modeluaren animazioak Metahumans-eri sartzeko ahal izateko, era berean, Logo batzuk egin dut eta programatu dut gauza txikiak, Adb: Alpha kentzeko edota jartzeko slider bat, texturen offset-a mugitu… Hainbat programa erabili ditut empresan: Krita, blender, Unity PC, Unity VR, Unreal Engine, Maya eta Substance. Dualen praktiketarekin oso eroso egon naz, lan-giro oso ona izan dut beste lankidekin eta asko ikasi dut egindako lanarekin.
Kaixo! Xabi naiz eta aurten Duala egiten aritu naiz Tecnalian. Empresa honetan Irailean hasita hainbat eremu garatzeko aukera izan dut, beti industriara bideratuta. Landutako gauzen artean, industriarako aplikazioak, 3D modeluen poligonoen murrizketa, erralitate virtualerako lan prozesuak, edo fotogrametria aurkitu ditzakegu. Aurten ez dira proiektu kreatibo asko egon, baina hala ere nire esparrurako erabilgarriak izan daitezkeen tresna eta prozesu batzuk probatu ditut, programazio, zein disinu esparruan. Adibidez, enpresen teknologizazio maila neurtzeko aplikazio baten modelu lowpoly eta animazioak egin, edo Unityn, informazio transmisioa errepresentatu nodoak erabiliz. Lan munduan esperientzia lortzeko eta baita nire denbora antolatzen ikasteko aukera ona izan da, batez ere ikasturteko hasieran, klaseak eta lan orduak bete behar nituenenan. Batzutan estresagarria izan daiteke, baina esperientzia eta dirua jasotzeko aukera interesgarria izan da.
Aupa, Aitor Simon naiz 3D bigarren mailako ikaslea, eta aurten Duala egiten aritu naiz Tecnalia enpresan. Covid-arengaitik ekainean hasi beharrean, irailan hasi nintzen lanean, astelehenetik ostegunera, 4 ordu enpresan, eta beste 4 baita astelehenetik ostegunera eta ostiraleko egun guztia eskolan ikasten. Ordutegi hori otsailera arte da, orduan hasten baitira beste ikasleen praktikak, eta nik lanaldi osoa egiten hasten naiz Tecnalian. Hasieran, Zamudioko bulegora joaten nintzen, eta, han tutore bat izan arren, ez zen benetako ekoizpeneko tutorea, hura Arabako bulegoetan baitzegoen. Lanak bidaltzeko edo edozein zalantza argitzeko posta elektronikoz edo Teams-en bidez hitz egiten genuen, distantzia luzeko erlazio hau niri ez dit arazorik sortu.
Denetarik egin dut: modelatu, testurizatu, rigeatu, animatu, UI-ak egin, programatu… Haiek batez ere AR-arekin (Augmented Reality) lan egiten dute adibidez nire lehenengo proiektua AR akuario bat izan zen. Mugikorraren bidez, zure inguruan igeri egiten duten arrainak ikus ditzazkezu; zuk marraztutako arrain bat ere sor dezakezu.
Orokorrean asko ikasi dut, batez ere horrelako enpresa baten produkzioa nola funtzionatzen duen. Egia da ez dela erraza aldi berean lan egitea eta ikastea, baina ordainsari ekonomikoaz gain, esperientzia oso ona eta bakarra da.
