Nire 50 orduko proiektua Erdi Aroko City-Builder baten programazioa izan zen, Anno estiloko mekanikekin eta low poly estetikarekin, modelatze eta testurizazio atalaz arduratzen zen Ander Fernandezekin batera.
Proiektu berri honetan hainbat astez lan egin ondoren, alde batera uztea erabaki genuen, biok Rivalian ari baikinen lanean, PS Talents proiektua irabazi zuen jokoan, eta nahiago izan genuen ahal genuen denbora guztia eskaini. Denbora horretan, Ander Ashelinen, gure pertsonai protagonistaren modelu eta animazioez arduratzen zen bitartean, ni arduratzen nintzen animazio horiek inplementatzeaz eta bere mekanikak programatzeaz.
Aldi berean, ziegak sortzeko prozedurazko sistema bat programatu nuen, gela bakoitzak argiztapen bakeatua zuelarik eta adimen artifizialaren mugimendu-mapa dinamikoki sortuz.
Eta azkenik, baina ez horregatik garrantzi gutxiagokoa, gure jokoan daukagun Rex Bosseko adimen artifiziala birprogramatu nuen, eraso beharreko bere helburuaren egungo kokapena detektatu eta egoera horretara egokituz eraso zehatz bat egin zezan (etsai bat atzematen bazuen bizkarrean, koletazo bat jotzeko edo, etsai bat urrunetik atzematen bazuen, sua jaurtitzeko, adibidez).
